Ég elska vinnuna mína...og gleðilegt sumar

Þetta var nú meiri morguninn. Svakalegt action!
Þetta byrjaði nú rólega hjá mér. Fréttir og músík árla morguns sumardagsins fyrsta. En svo þegar 9 fréttir fóru í loftið byrjaði útvarpsþagnar apparatið að pípa á fullu. Ég vissi ekki hvaðan á mér stóð veðrið fyrr en ég athugaði hvort fréttirnar væru ekki alveg örugglega í loftinu á rás 2. Það var nefninlega grafarþögn á rás 2. Ég kallaði í gegn um kallkerfið á þann sem var í rás 2 stúdíóinu; ekkert svar. Hljóp yfir og kom að auðu stúdíói. "Hvað er í gangi" hugsaði ég. Setti playlistann í gang og hljóp aftur yfir í stúdíóið mitt. Svo byrjaði tækið aftur að pípa; endurtók sama leikinn. Hringdi í yfirmanninn og hann gaf mér númer hjá yfirdagsskrágerðarmanni rásar 2 og hún gaf mér annað númer hjá þeim sem átti að vera á vakt. Ég hringdi í Magnús og vakti hann af værum svefni. Í millitíðinni var ég alltaf að hlaupa yfir að setja nýtt lag á þangað til ég setti bara geisladisk í og lét hann flakka. Svo kom fréttastofan og þurfti tæknimann til að taka upp símaviðtal. Heyrðu, ég var eini tæknimaðurinn staddur í húsinu! Akkúrat á þeim tímapunkti var ég að senda út þátt í beinni (Laufskálinn). En sem betur fer er sá þáttur meira og minna spjall. Skokkaði yfir í annað stúdíó og tók upp viðtalið og hljóp svo aftur til mín til að setja lag í gang.
Hólí makkaróní......shiii

Góðan og blessaðan

Já, ég hef ekki verið mikið í sambandi þessa dagana. Ég hef verið að byrja vinna klukkan 6:15 sem þýðir að ég þarf að fara á fætur klukkan tæplega 5. Jebb, það er ýmislegt lagt á sig fyrir gömlu góðu gufuna, sem er að mínu mati bara besta stöðin. Þættir eins og spegillinn, morgunvaktin, fimm fjórðu, litla flugan, víðsjá, samfélagið í nærmynd og að ógleymdu morgunleikfimin með Halldóru Björnsdóttur "...svo stígum við hátt upp á tábergið, þetta er gott, þetta er gott..." just gotta love it.
En það er eitt sem ég steingleymdi að skýra frá um daginn. Þannig er mál með vexti að annan daginn minn hérna kom Freyr Eyjólfs (fyrrverandi popplandari, nú Geymt en ekki gleymt) kom að mér og spurði mig hvort ég væri til í að spila á trommur með RÚV bandinu. Ég sló þessu bara upp í kæruleysi og skellti mér í bandið. Ein æfing og svo gigg næsta laugardag á árshátíð RÚV. Gerist ekki fljótari. Og heyrðu viti menn, þetta gekk eins og í sögu. Við slóum í gegn! Lög á borð við ryksugan á fullu og tequila. Rosalegt rosalegt.

Fyrir utan sögur úr vinnunni þá er nú eitthvað að gerast hjá mér. Til að mynda þá skellti ég mér á dEUS um daginn og holy craperony. Þeir voru magnaðir! Það var alveg stappað á Nasa og mjög góður fílingur. Ég hafði ekki hugmynd að þeir væru svona góðir live. Einnig var ég búinn að keyra nýju plötuna þeirra "Pocket Revolution" nokkrum sinnum og mér fannst hún vægast sagt ekki nógu góð. Alltof easy. Eftir fyrstu 7 lögin hugsaði maður með sér hvar er rokkið?!? En svo í lagi 8 fór eitthvað gerast. Kom að minnsta kosti almennilegt snerilsound hjá trommaranum. Tók teppið semsagt af snerlinum. En platan fær að mínu mati 3 af 5 mögulegum. En tónleikarnir fá hinsvegar 5 af 5 mögulegum.

Fréttir af Tommygun: Við ætlum að flytja stúdíóið uppá Gálgahæð (æfingarpleisið í Ghettovík) yfir páskana og taka upp eins mikið og við getum fyrir fyrstu plötuna!!! Er það ekki alveg hreint geggjað?

Im out Samfélagið í nærmynd er að fara í loftið

ps. Takk fyrir hamingjuóskirnar allir
luv & peace

The man treats the main man well

Nú hef ég verið starfsmaður hjá RÚV í tvær vikur og mér lýst mjög vel á þetta allt. Ég er ennþá í starfsþjálfun þannig að það er alltaf einhver með mér að leiðbeina mér. Í kring um páskaleytið verð ég orðinn einn á báti ;) Það sem ég verð að gera er að taka upp útvarpsþætti fyrir rás 1 og stjórna útsendingu á rás 1. Svo fer ég seinna í fréttaútsendingu á samtengdum rásum eitt og tvö.
Ég er núna í vinnunni og það er laugardagur. Vaknaði klukkan 5 í morgun. Þetta hefur ekki gerst í mörg ár.

luv & peace :)

Tjekkið á þessu lagi. Þetta er íslenskt band. Með því flottara sem ég hef heyrt:
Black Valentine - The Curse