Það hefur lítið gengið á síðan ég kom aftur heim til Keflavíkur. En á meðan fólkið í mörkinni hans Danna sat á stóru engi að reykja jónu og horfa á Metallica, héldum við "hin" okkkar eigin Hróarskeldu við Meðalfellsvatn í bústaðinum hennar Guggu. Það kostaði mig 10 þús krónur að koma mér þangað, fæða mig og bjóra mig.
Á föstudeginum fórum við félagarnir Sveinn, Hafþór og Ævar að veiða í vatninu. Hafþór var sá fyrsti að fá'ann á en frelsinu var honum veitt því tittur hann var. Svo ekki söguna meir!!!! Ég er á því máli að hann hafi sagt öllum hinum að það væri satt, það væru gaurar að veiða þá, förum í hinn endann á vatninu svo að það eina sem þeir veiða verður þari og kannski stígvel.

Það var djammað hart um kveldið. Varðeldur og alles. Sungið og spilað fram á morgun. Svo um morguninn var tími til að fara sofa. Viti menn, við sváfum úti undir berum himni!!!! Alveg hreint magnað. Ég meira að segja fékk lit í smettið!!!

En svo um laugardags nóttina tók ég ákvörðun um að veiða í ánni sem rann fram hjá bústaðinum. Eftir 10 mínútna dorg sé ég bláan steisjon bíl koma alveg á fartinu hinum megin við ána. Stekkur einhver fyr útúr truntunni og öskrar á mig.
"Er góð veiði??"
ég svaraði honum neitandi.
"Veistu hvað þú ert að gera?? Þú ert að stelast til að veiða í dýrustu laxveiði á landsins"
Fokk sagði ég (þá reyndist þetta vera Laxá í kjós, 100 þús kall hálfur dagur)
Stuttu síðar kemur veiðivörðurinn á fartinu á Pæjeróinum sínum með alla familíuna í aftursætinu. Stekkur út og öskrar eitthvað á mig, talandi um hvað hann þolir ekki þessa borgarkrakka sem aldrei hafa stigið fæti út í sveitina. Áður en ég vissi veður manni yfir ánna sem náði honum upp á mitti og rífur stöngina af mér. Segir við mig "Þú finnur stöngina á lögreglustöðinni í Reykjavík og þar mun einnig bíða þín kæra!!!!!" svo óð hann yfir aftur og stakk af, ekki með stöngina mína, neiii, stöngina sem ég fékk lánaða frá pabba hans Hafþórs!!!!!!!!!!

Allavega, manni gleymdi að taka niður nafnið mitt svo að ég þarf ekki að hafa áhyggjur af 100.000 kr. kæru. En ég þarf að kaupa nýja stöng fyrir Skúla. Stöngin er metin á svona 10 til 15 þús.

Þannig að helgin sem leið kostaði mig 25 þús. kall. Ég sem á ekki bót fyrir rassgatinu!!!

Peace